MUQDISHO_AYAAMAHA-Ergayga Qaramada Midoobay ee Bariga Dhexe Tor Wennesland ayaa sheegay in sanadkaan gudahiisa Daanta Galbeed lagu dilay in ka badan 200 oo falastiiniyiin ah iyo ku dhawaad 30 Israa’iiliyiin,kadib weerarro ay Israa’iil ku qaadeen dadka reer Falastiin.
Isu duwaha gaarka ah ee Qaramada Midoobay u qaabilsan geeddi-socodka nabadda ee Bariga Dhexe Tor Wennesland, oo la hadlay Golaha Ammaanka ee Qaramada Midoobay Isniintii ayaa sheegay in rabshadaha sii kordhaya ay sii wiiqayaan rajada mustaqbalka dadka Falastiiniyiinta iyo helitaanka waddan madax-bannaan.
Ergayga ayaa tilmaamay in is-ballaarinta aan joogsiga lahayn ee deegaamaynta sharci darrada ah ee ay wadaan Israa’iil, burburinta guryaha falastiin iyo hawlgallada ay ciidammada Israa’iil ka wadaan deegaannada la haysto ee Daanta Galbeed ay horseedeen dhimashada iyo dhaawacyada faraha badan eek u habsaday dhinacyadaasi,gar ahaan dadka Falastiin.
Ergayga Bariga Dhexe,waxa uu ku taliyay in wax laga qabto rabshadaha iyo dilalka sii baahaya ee u dhaxeya Falastiin iyo Israa’iil,isagoo dhinaca kale tilmaamay in horumar la’aanta xagga aragtida siyaasadeed ee ku wajahan xalka dhinacyadaasi , ay sababi karaan colaad iyo deganaan la’aan.
Sanadkaan 200 oo falastiiniyiin ah iyo ku dhawaad 30 Israa’iiliyiin ah ayaa lagu dilay Daanta Galbeed ee la haysto,waxaana tirada dhimashada ay ka dhigeysaa mid aad u badan marka loo eego sanadkii hore iyo weliba sanadkii 2005-tii.
