Muqdisho-(Ayaamaha)-Wararka ay heleyno ayaa waxaa ay sheegayaan in xalay ciidamo ka tirsan kuwa dowladda Soomaaliya ay Gurigiiisa oo ku yaalla deegaanka ceelasha Biyaha ay kala baxeen Nabadoon Cabdullaahi Abuukar oo mar soo noqdeay Afhayeenka Odayaasha Dhaqanka Beelaha Hawiye.

Dadka dagan deegaanka Ceelasha Biyaha ayaa sheegay in xalay Saqdii Dhexe ay Hoyga Nabadoonka oo ku yaalla agagaarka Xaafada Shareeco ee deegaanka Ceelasha Biyaha ay tageen ciidamo wata Gaadiidka dagaalka kadina ay kala baxee Nabadoonka.
Nabadoon Cabdullaahi Abuukar oo mar soo noqday Ahayeenka Odayaasha Dhaqanka muqdisho ayaa hadda ka hor waxaa xiray isaga iyo Alle ha u naxariistee Marxuum Axmed Diiriye Ciidamada Itoobiya ee markaasi joogay Soomaaliya wallow markii dambe ay soo daayeen.

Wali laamaha Ammaanka Soomaaliya wax faah faahin ah kama bixin howlgalka Ciidamo ka tirsan kuwa dowladda Soomaaliya ay xalay Hoygiisa kala soo baxeen Nabadoon Cabdullaahi Abuukar oo loo yaqaano Cabdullaahi Dheere.