Dagaallo culus oo markale ka billawday dalka Afgaanistaan

20

MUQDISHO-AYAAMAHA-Ila wareedyo ka agdhaw Taalibaan ayaa u sheegay wakaallada wararka ee Reuters inay qabsadeen aaggaasi, hasayeeshee dagaalyahannada wax-iska-caabbinta ayaa arrintaasi gaashaanka u daruuray.

Mid ka mid ah xooggaga iska-caabbinta, Amrullah Saleh, ayaa waxba kama jiraan ku tilmaamay inuu cararay, hasayeeshee waxa uu sheegay in xaalku uu “adag yahay”.

Mustaqbalka Dooxada Panjshir ee waddanka Afgaanistaan oo ah meesha kaliya ee aanan ku jirin gacanta Taalibaan ayaanan weli kala caddayn inta uu soconayo dagaalka halkaas ka socda.

Dagaalka ka soconaya Panjshir ayaa lagu soo warramayaa inay ku dhinteen boqollaal qof.

Dooxada oo ku taal waqooyiga magaalada caasimadda ah ee Kabul, ayaa ah mid ka mid ah gobollada ugu yar waddanka Afgaanistaan, waana goobta kaliya ee aanan soo gelin gacanta Taalibaan.