Muqdisho-(Ayaamaha)-Wariye Cabdimaalik Muuse Coldoon dhawaan Ciidanka Somaliland ay kasoo xireen Magaalada Burco ayaa maanta lasoo taagey maxkamadda gobolka Maroodijeex ee Hargeysa.

Gudoomiyaha Maxkamadda Maroodijeex ayaa ciidankii soo qabtay  wariye Coldoon ku amray in ay dib ugu celiyaan gobolka Togdheer, islamarkaana ay soo taaggaan Maxkamadda gobolka.

Sidoo kale, guddoomiyaha maxkamadda gobolka Maroodijeex waxaa uu ciidanka waydiiyay in ay haystaan waaran qabasho ,waxayna sheegeen in aanay haysan.

Guddoomiyuhu waxaa kale oo uu ciidankii soo qabtay Wariye Coldoon ku amray in ay goob caafimaad geeyaan maadaama dhaawacyo kala duwan ay soo gaareen.