MUQDISHO-AYAAMAHA-Guddoonka labada Aqal ee Baarlamaanka Federaalka Soomaaliya ayaa la sheegay in maalmaha soo socda tegi doonaan Magaalada Dhuusamareeb uu ka furmayo Wejiga labaad ee Shirka Madaxda DFS iyo Maamul Goboleedyada.

Guddoomiye Maxamed Mursal iyo Cabdi Xaashi Cabdullaahi ayaa la tilmaamay inay qeyb ka yihiin Madaxda lagu Casuumay Webiga labaad ee Shirka Madaxda DFS iyo Maamul Goboleedyada, isla markaana labada dhinac ay aqbaleen Casuumaadii shirka.

Wararka ayaa intaas kusii daraya in Khamiista soo socota uu Madaxweyne Farmaajo safar ku tegi doono Dhuusamareeb, si uu uga qeyb galo Webiga labaad ee Shirka, kaasi oo looga hadli doono Arrimaha Doorashooyinka iyo Arrimo kale.

Ra’iisul Wasaaraha Xukuumadda Xasan Cali Khayre iyo Wasiiro ka tirsan Xukuumadiisa ayaa maanta la filayaa inay gaaran Magaalada Dhuusamareeb, iyagoo halkaas tegi doona gelinka dambe ee Maanta, waxaana kahor mari doona wafdi hordhac u ah.

War-murtiyeedkii kasoo baxay wejiga 1-aad ee Shirka Madaxda Dowlad Goboleedyada waxaa lagu dalbay in Madaxda heer Federaalka ay ku soo biiraan kulanka looga tashanayo doorashada dalka, Geedi socodka iyo habka loo marayo.