Midowga Afrika ayaa shaaciyey inay taageeri doonaan qorshaha Dowladda Somalia ku doonayso in loo cafiyo Lacagaha daymaha Caalamiga ee lagu leeyahay, taasi oo gaaraysa kudhowaad 4.6 Billion oo Dollar Maraykanka ah.

 

African Union waxay sheegeen haddii Somalia laga cafiyo Lacagaha Daymaha inay taasi u oggolaan karto Somalia inay helaan Kaalmayn Caalami ah.

Warkan ayaa kasobaxay, kadib, markii ay Saraakiisha DFS, Ururadda Bulshadda Rayidka, Ururadda Horumarinta Caalamiga ayaa ugu baaqay Ururka Midowga Afrika inay u ololeeyaan sidii Somalia looga cafin lahaa Daymaha lagu leeyahay Dowlada Somalia.

Wasiirka Wasaarada Qorsheynta, Maalgashiga iyo Dhaqaalaha ee DFS, Jamaal Maxamed  Xasan ayaa sheegay inay Somalia u baahan tahay Iskaashi, si looga cafiyo Daymaha lagu leeyahay, wuxuuna hoosta ka xariiqay inay taasi taageero ka geysan doonto Qorshaha Horumarineed ee ay wado dowlada federaalka ee Somalia

 

Mr Axmed Ciise Cawad ayaa isagana sheegay haddii la cafiyo Daymahaasi inay taasi la micno tahay inay wax badan laga qaban karo Arrimaha Gudaha Somalia, gaar ahaan Arrimaha dadka Barakacayaasha oo ay horey Madaxda dalalka Afrika uga hadleen Kulankoodii 32-aad ee shalay ugu soo gebageboobay magaalladda Addis Abeba.

Sikasta hanoqotee, Somalia si looga cafiyo Daymaha Caalamiga waxaa loo baahan yahay inay Hay’adda Lacagaha Calaamiga ee IMF ansixiso si ay Agaasimayaasha IMF dib u eegaan Horumarka Somalia  iyo inay DFS wada-xaajood la galaan Deeq Bixiyayaasha Khaaska si ay uga cafiyaan Daymahaasi lagu leeyahay Somalia.