Jowhar-Ayaamaha-Wararka naga soo gaaraya magaalada Jowhar ee xarunta Dowlad Goboleedka Hirshabeelle ayaa sheegaya inuu socdo qorshaha diyaarinta Mooshin ka dhan ah Madaxweynaha maamulka Hir-shabeelle Maxamed Cabdi Waare.

Xildhibaan Cabdi Faarax Kala dire oo kamid ah Xildhibaanadda baarlamaanka Hir-shabeelle ayaa sheegay in qorshaha Mooshinka uu socdo,islamarkaana dhawaan lasoo bandhigi doono.

Xildhibaan ayaa waxaa uu sheegay in Madaxweyne Waare uu ku fashilmay Hogaaminta Hir-shabeelle,mudooyinkii dambana uu maamulka galiyay xaaladd aan daganeen,sidaas darteed ay ugu baaqayaan in uu iscasilo.

Waare ayaa waxaa lagu eedeeyaa in uu ka dambeeyay qalalaasihii ka dhacay magaaladda Beledweyne kadib markii uu xilka ka qaaday gudoomiyihii gobolkaas yuusuf Dagabeed.