Kismaayo-Ayaamaha-Madaxweynaha Maamul  Goboleedka Jubbaland   Islaam ayaa maanta qaabilay Safiirka Dowlada Maraykanka ee Soomaaliya Ambassador Donald Yamamoto oo booqasho ku tegay Magaalada Kismaayo.

Axmed Madoobe iyo Donald Yamamoto oo kulan gaar ah yeeshay ayaa waxaa diirada lagu saaray arimaha amniga iyadoo safiirku Madaxweynaha uga mahad celiyay sida Jubbaland ay ugu guulaysatay sugida nabadgalyada Arimaha Siyaasada iyo sida ay muhiimka u tahay wada shaqaynta Dowlada Federaalka ah iyo Dowladaha xubnaha ka ah.

Sidookale Waxaa ay kawada hadleen arimaha doorashooyinka iyadoo safiirku uu sheegay in kalsooni buuxda uu ku qabo in si wanaagsan ay ku dhacaan doorashooyinka Jubbaland isla markana si xor ah oo xalaal ah wax walba ay ku qabsooman.

Maamulka Jubbaland wali wax faah faahin dheeraad kana bixin kulanka Maanta Kismaayo ku dhexmaray Madaxweynaha Jubbaland iyo Safiirka Dowlada Maraykanka ee Soomaaliya Ambassador Donald Yamamoto.