MUQDISHO-AYAAMAHA-Xaliimo Ismaaciil Ibraahim ( Xaliimo Yareey) Guddoomiyaha Guddiga Madaxa Bannaan ee doorashoyinka Qaranka ayaa sheegtay in dowlad goboleedyada dalka ay ku dhaqmaan Dastuur u gaar ah oo ay sameysteen, balse ay sheegtay in uusan waafaqsaneyn Dastuurka dalka.
Waxaa ay sheegtay in qolo walba ay meel gaar ah u socoto, taasina ay dib u dhigeyso dowladnimada Soomaaliya oo haatan ah mid curdun ah, waxaana ay ku baaqday in siwadajir ah la isaga kaashado dhismasha dowlad loo dhan yahay.
Xaliimo Yareey oo hadal Maanta ka jeedisay Shirka sanadlaha ah ee Garsoorka dalka ayaa sheegtay in dalkaan uu u baahan yahay dowlad aan Xalane laga xukumin.
Hadalka Guddoomiyaha Guddiiga Guddiga Madaxa Bannaan ee doorashoyinka Qaranka Xaliimo Ismaaciil Ibraahim ( Xaliimo Yareey) ayaa waxaa uu kusoo aadayaa xilli muran xoogan uu kajiro doorashooyinka dalka oo aan weli heshiis laga gaarin.
Waxaa shaki kujiran in madaxda dowladda federaalka iyo maamul goboleedyadda laga xukumo gudaha Xalane ee garoonka diyaaradaha Muqdisho, kuwaas oo fariisan u ah inta badan saraadaha dalalka reer galbeedka ee taageera Soomaaliya.
