Maxkamada Ciidamada Qalabka Sida ee Puntland ayaa saakay dil toogasho ah ku fulisay 18 ka mid ah Maleeshiyaadka Al-shabaab oo horey Maxkamaddu xakun dil ah ugu ridday.
Waa markii ugu horreeysay ee Maamulka Puntland tiro intaasi la eg oo lagu helay inay ka tirsan yihiin Ururka Al-Shabaab ay ku toogtaan gob fagaaro ah, iyada oo weli degaannada Puntland ay ka dhacayaan dilal qorsheysan iyo qaraxyo. 
