MUQDISHO-AYAAMAHA-Wararka laga helayo Villa Somalia ayaa waxaa uu sheegaya in hadda uu socdo qorshe lagu magacaabayo Taliyaha cusub ee qeybta Booliska Gobolka Banaadir oo dhawaan ka geeriyooday Allaha unaxariistee General Farxaan Qaroole.
Madaxweynaha Soomaaliya Mudane Xasan Sheekh Maxamuud ayaa hadda qorsheenaya inuu xilka cusub ee Taliyaha Qeybta Booliska G/Banaadir umagacaabo Col. Mahdi Cumar Muumin oo ku magac dheer Macallin Mahdi hadana ah Taliyaha Nabad sugida Galmudug.
Xogta ayaa tilmaameysa in jagadaan uu macalin mahdi ku qaadan karo hab qeybsiga beelaha,iyadoo ay sidoo kale jiri doonaan xilka qaadis kale oo lagu sameyn doono taliyaha Booliska Soomaaliya General Cabdi Xasan Xijaar iyo saraakiil kale.
Allah u naxariistee taliye Farxaan Qaroole ayaa geeridiisa aad looga naxay dhammaan deegaanada ay Soomaalida dagto, waxaa uu ahaa nin howlkar oo shaqo badan, waxaana lagu xasuustaa xiliyada ay dhacayaan qaraxyada Hotelada mid badbaadiya Shacabka ku go’doonsan goobaha qaraxa ka dhacaya.
